श्रम रोजगार तथा सामाजिक सुरक्षा मन्त्री रामेश्वर राय यादव संग भेटघाट

Published On: Thursday, January 30, 2020 | Source: NRNA

३० जनवरी २०२० का दिन गैरआवासीय नेपाली संघका अध्यक्ष कुमार पन्तले श्रम रोजगार तथा सामाजिक सुरक्षा मन्त्री रामेश्वर राय यादव संग भेटघाट गर्नु भयो ।

यस भेटघाटमा मुख्यतया संघले वैदेशिक रोजगारीको क्षेत्रलाई व्यवस्थित, मर्यादित र सुरक्षित गर्नको लागि गरेका गितिविधिहरुका साथै विदेशमा कार्यरत नेपाली श्रमिकहरुको अवस्था र संघले स्थापना गरेको श्रमिक कल्याणकारी कोषका बारेमा जानकारी गराईएको थियो ।

यसरी नै मन्त्रीज्यूले वैदेशिक रोजगारको क्षेत्रलाई व्यवस्थित, मर्यादित र सुरक्षित गर्नको लागि नेपाल सरकारको तर्फबाट सदैव सहयोग रहने बताउनु भयो ।

भेटघाटमा श्रम रोजगार तथा सामाजिक सुरक्षा सचिव विनोद केसी, संघका सल्लाहकार रामेश्वर शाहा, आइसिसि सदस्य टंक लम्साल र अर्थविद अनल भट्टराईको उपस्थिति रहेको थियो ।

 

गैरआवासीय नेपाली संघ ।