भ्रमण वर्ष २०२० को मूल आयोजक समितिको पाचौं बैठकमा सहभागिता
गैरआवासीय नेपाली संघका अध्यक्ष कुमार पन्त भ्रमण वर्ष २०२० को मूल आयोजक समितिको पाचौं बैठकमा सहभागी हुनु भयो । माननीय मन्त्री योगेश भट्टराईज्यूको अध्यक्षत्मा बैठक संचालन भएको थियो । भ्रमण वर्ष २०२० लाई सफल पार्न भएका प्रयासहरु र मुख्य उपलब्धिहरु, आगामी दिनमा गर्नुपर्ने कार्यहरुका साथै नेपाल भ्रमण वर्ष २०२० को सुभारम्भको लागि औपचारिक कार्यक्रमको बारेमा छलफल भएको थियो । त्यस अनुसार ३१ डिसेम्बरमा प्रारम्भिक कार्यक्रम र मूल कार्यक्रम १ जनवरीको दिन हुनेछ । गैरआवासीय नेपाली संघले सबै राष्ट्रिय समन्वय परिषद्हरुको सहयोगमा विभिन्न मुलकमा साईकल र कार Rally गर्ने र औपचारिक कार्यक्रमहरु संचालन गरि भ्रमण वर्षको शुभारम्भ कार्यक्रमलाई सहयोग पुर्याउने जानकारी अध्यक्ष कुमार पन्तले गर्नु भयो ।
यस बैठकमा संघका पूर्व अध्यक्ष तथा संरक्षक जिवा लामिछाने , सचिव गौरी राज जोशी र सचिवालयको सहभागिता रहेको थियो ।
गैरआवासीय नेपाली संघ सचिवालय।